القائمة الرئيسية

الصفحات

حديقة الحيوان بالجيزة I التذاكر I المواعيد I العنوان 2021

حديقة حيوانات الجيزة

حديقة حيوانات الجيزة 2021

تعد حديقة حيوانات الجيزة اول  واكبر حديقة حيوانات في افريقيا والشرق الاوسط حيث تم اناشء الحديقة عام 1891 م  وتضم الحديقة انواع كثيرة من الحيوانات والطيور يبلغ عدد الزوار سنويا 3 مليون زائرهي على عكس افريكانو بارك الغابة المفتوحة التي يمكنك من خلال دخولها التقرب من الحيوانات اكثر الحديقة جميله اوي وفيها مجموعه حيوانات لا بأس بها 

فيها اكشاف لبيع اي شيء تحتاجه وفيها كافيهات وهتلاقي مكان حواليها تركن عربيتك بس روح بدري شويه .. وفيها حديقه حيوانات مصغره و طفطف ومتحف حيوانات محنطه وفيها بيت الزواحف وحاجات كتير لطيفه اوي  و سعر تذكره الدخول 5 جنيه وفاتحه كل ايام الاسبوع عدا الثلاثاء

تقييم حديقة الحيوانات

4 من 5

مساحة حديقة الحيوان

مساحة حديقة الحيوان 80 فدان

خريطة حديقة الحيوان بالجيزة

دي خريطة  الحديقة من خلالها هتعرف اماكن تواجد الحيوانات

خريطة حديقة الحيوان بالجيزة

خريطة حديقة الحيوان بالجيزة Pdf

غير متاح حاليا للاسف

اجازة حديقة الحيوان بالجيزة 2021

يوم الثلاء  من كل اسبوع هو اجازة حديقة الحيوان بالجيزة حيث لا يمكنك الذهب في هذا اليوم

مواعيد حديقة حيوانات الجيزة 2021

تبدا  من مواعيد فتح حديقة الحيوان 9 ص  وتنتهي مواعيد عمل حديقة الحيوان في 5 م 

تذاكر دخول حديقة الحيوانات 2021

5 جنية للشخص البالغ  ويرتفع السعر يوم الثلاثاء ليبلغ 65 جنيةومجانا للاطفال تحت 4 سنين

رقم حديقة الحيوان

0235708895

عنوان حديقة الحيوان بالجيزة 

شارع ديجول.الجيزة

لسه معرفتش المكان بالظبط تقدر تشوف مكان حديقة الحيوان على الخريطة وتروح  بكل سهولة بالسيارة او مشي على الاقدام تقدر تعرف المكان بالظبط من هنا

كيفية الوصول إلى حديقة الحيوان بالجيزة

اركب المترو حتى محطة جامعة القاهرة، وعند الخروج من المترو اتجاه الجامعة يمكنك ركوب ميكروباصات الجيزة والتي تمر على حديقة الحيوانات

حدائق بالقرب منك



اراء الناس حول المكان

مجموعة من التقارير التي تم جمعها حول المكان تحتوي تلك التقارير على سلبيات و ايجابيات المكان 

التقرير الاول

  • والله هو المكان معروف من زمان بس انا عايز اقول حاجة انا عندى ٣٣ سنة وبروح حديقة الحيوانات من سن ١٠ سنوات وحتى الآن لم اجد اى تغيرات جديدة فى الحديقة غير حجات بسيطة جدا غير ملحوظة لازم الاهتمام بالخضرة وتجديد بيوت الحيونات الى شكل يليق بعصرنا اليوم وتبقا بيوت الحيونات مترتبة والخضرة ايضا وشكرا
  • تجربه كويسه سعرها حلو 5 ج،يوم الثلاثاء التذكرة ب65 ج انصحكم روحو ايام غير العطلات بتكون اهدأ وغير مزدحمه، بتقفل 4 ونص، معظم الاماكن فيها بفلوس اضافيه واماكن اخري مغلقه محتاجه اهتمام اكتر من كدا فيها ملاهي وطفطف وسينما 3 d فتحو مكان فيها التعامل فيه مع الحيونات مباشره وتاكلهم وتتصور معاهم التذكره فيه ب20 ج في حمامات وفي مسجد حريمي ورجالي
  • مكان ممتاز للاطفال اخر مره زرتها بالاولاد من شهر كانت نضيفه جدا بس كان فيه تفتيش وكانت هاديه... الفيل مات الزرافه  موجوده فيه حديقه الطفل جوا بتذكره منفصله عشرون جنيها جواها زواحف وطيور جميله ومعزه فى المجمل جميله
  • بصراحة المساحة كبيرة جدا والحيوانات قليلة بالنسبة للمساحة ، يعني زرافة واحدة علي مساحة ضخمة جدا ، وهكا ، الفيل بعد ما مات ماحم يتم شراء فيل تاني ، الجميل هو كمية القعدات والكراسي والترابيزات بكمية مهولة وده جميل

التقرير الثاني

  • انا من عشاق الحديقة ولكن اخر زيارة كانت من اسبوع تقريبا شاهدت اهمال ما بعده اهمال فى الاسفل صورة لشكل المياه فى القنوات ايضا موضوع ما يسمى بالمصرى ( طشط ) لسقاية القرود وناهيك عن قذارة اماكن الجلسات بفضلات الطيور وزيادة اسعار المنتجات مثل الشيبسى والبسكوت عن السوق والمبرر اسعار سياحية غير بقا الاخوة بتوع السبوبة اللى يقولك اكل الزرافة يا باشا واللى تدفعه واتصور مع الشبل يا استاذ وخد صورة تذكارية مع الثعبان ومفيش لا اسعار معلنه ولا حتى مقبولة غير بقا المسجلات والصوت الفظيع حتى رسوم دخول بيت الزواحف مبالغ فيها لان اغلب الزواحف سلاحف .. لا توجد اشياء تشويقية ولا ايضا كتيبات باسعار معقولة لوصف المكان وتاريخة والاشياء النادرة من النباتات ولا اى نظام فى اى حاجة ماشيه بالفهلوة مش معقول حديقة عريقة المفروض تكون مفخرة لمصر يديرها موظفين غير محترفين غير مبدعين ولا معاصرين للتطورات 
  • زحمة وغير منظمة ولايوجد ارشادات للزوار واغانى من العشوائية وحراس الحديقة غير مدربين للاهتمام بالحيوانات وطريقة اطعامهم ولا يوجد فيل أو وحيد القرن والأسود فى مكان مزدحم جدا ورائحة لا تطاق إلى جانب السماح للزوار بإطعام الحيوانات اى شئ وقد يكون فاسد أو مسمم من أجل بعض المال الحديقة رائعة ولديها مقومات تبقى أجمل حديقة حيوان فى الشرق الأوسط اتمنى يغلو التيكيت ويهتموا شوية بالمنشآت والممرات وأقفاص الحيوانات والحيوانات نفسها ويتعمل رامبات لعربيات الأطفال وكراسى ذوات الأحتياجات الخاصة ايضا يتم وضع الكثير من اللوح الإرشادية بأماكن الحيوانات وبيع خرائط للحديقة بالداخل لأن بنواجه صعوبة فى الوصول لأماكن الحيوانات خصوصا ان مساحة الحديقة كبيرة وأعداد اقفاص الحيوانات واماكنها كتيرة ايضا يجب تقنين اعداد الباعة الجائلين داخل الحديقة وبتوع الودع المنتشرين فى الحديقة كلها برضه هتبقى فكرة حلوة لو تم عمل اماكن لبيع التذكارات الخاصة بالحديقة زى الميداليات والسلاسل ولعب الاطفال (أشكال حيوانات) بس تكون بجودة عالية والتيشرتات الى عليها رسومات حيوانات لو تم الأهتمام هتبقى من أجمل حدائق الحيوان فى العالم والناس هتجلها من كل حتة

التقرير الثالث

  • الحديقة جدا كبيرة ومرتبه ونظيفة لكن الحيوانات ياكبر الأقفاص وقل الحيوانات ممكن مساحه شاسعه وحيوان اوحيوانين فقط اكثر شي فيها القرده بجميع انواعها الدخول المصري 5 جنيه والغير  20 جنيه وداخل الحديقة بيت الزواحف تذكرته10 جنيه والمتحف 10 جنيه وغيرها والتصوير مع الحيوانات أقل شي 30 جنيه الصوره 
  • حديقة الحيوان في الجيزة واحده من اجمل المناطق اللي مليانة ذكريات طفولة جميلة اي نعم في تغييرات حصلت كتير و حيوانات بقت مش موجوده بس في اضافات حلوة برضه زي الملاهي و كده عموما هي حلوة جدا و مناسبة للعائلات و الاطفال و اللي هيروح هيتبسط بس اتأكد انها مفتوحه علشان حاليا في قرار بالغلق بسبب احداث الكرونا الرجاء من السادة المسؤلين الاهتمام بالأماكن الترفيهية خصوصا الاماكن الحبوية نحن على قدر ان التحديات كبيرة وعظيمة ولكن عندنا كل الثقة في أبناء مصر شعبا وجيشا وحكومة وقائدنا الرئيس عبد الفتاح السيسي اطال الله عمره ورزقه البطانة الصالحة ونفع به البلاد

التقرير الرابع

  • لم تعد حديقة الحيوان كما كانت فالمساحة الواسعة يقابلها قلة فى الحيوانات الموجودة ، وكيف تكون حديقة حيوان الجيزة بلا فيل ولماذا لم ينتبه القائمون على إدارتها التزاوج بين الحيوان لضمان تواجد هذه الحيوانات بدلا من هذا الوضوع الغير جيد !! هل تصبح حديقة الحيوان بلا حيوانات مثل حديقة الأسماك؟؟ اتمنى الا يحدث
  • انا باخد اولادى للمتعة والتعلم والتعرف على السلالات واصولها مش القى لوحة معفنه مكتوب عليه اسد افريقى موسم التزاوج طوال العام عدد المواليد من 3 الى اربعة الغذاء يتغذى على اللحوم  تفاهة لا ترتقى للتعليم ده حاجات بديهيه جدا .. افضل شئ بصراحة المتحف فعلا ممتاز  وبسأل يا اى مسؤل اى انسان مسؤل ايه المهزلة ده لا يوجد افيل لا هندى ولا افريقى ولا حتى شبراوى ...لا يوجد وحيد قرن من اى نوع .. حتى سبع البحر لم اراه  ولماذا كل هذه الاقفاص فارغة ولا تحوى اى حيوانات فقط كل انواع القرود هو احنا ناقصين قرود يا عم .. يا جماعة وصلوا صوتنا ده مش اسائة لكم لو وزير الزراعة اللى مسؤل وربنا لو بعلتى لا هخليها افخم من كده 100 مرة سبقنا دول العالم اجمع فى حديقة الحيوان اللى عمرها اكبر من دول فعليا والدول ده سبقتنا بسرعة الضوء وعملت احسن من كده .. احترفوا عملكم واخرجوا من عباءة الموظف الحكومى الله يكرمكم والله العظيم هقولكم على افكار كتير بس مش زى فكركم اللى همه جمع المال لا تنظر للزائر على انه محفظة اموال .. هو من حقة الحكومة تعمله ده وتمولة بمعرفتها مش من جيبة وهو داخل .. واخيرا نظرة لدورات المياء واماكن الشرب .. وارجوا ان يضاف مكان ايضا للاسماك 

البوصلة
البوصلة
نهتم ب السياحة والسفر الاماكن الترفيهية الفنادق المتاحف المطاعم المولات الحدائق الملاهي تاشيرات السفر العمل في الخارج الحياة البرية الحيوانات الاليفة المغامرة و الاستكشاف