طريقة استخراج الفيزا الشنغن للمصريين 2022

الفيزا الشنغن للمصريين


لو كنت حابب تشتغل في اي دولة من دول الشغن وبتدور على عقود عمل زي عقود العمل في ايطاليا فالحصول على الفيزا حاجه مهمة علشان تدخل دول الشنغن وفي المقال دا هنتكلم بشكل مفصل عن فيزا الشنغن للمصريين بالتفاصيل من حيث الاوراق المطلوبة والاسعار وكل حاجه هتحتاجها قبل السفر

 الفيزا الشنغن للمصريين

علشان تدخل منطقة الشنغن هتحتاج انك تستخرج فيزا شنغن والمنطقة بتشمل 26 دولة ومن خلال حصولك على التاشيرة الشنغن هتقدر تدخل لاي دولة من الدول ال26 بدون ما تقدم طلب استخراج فيزا شنغن جديدة

الاوراق المطلوبة لاستخراج فيزا شنغن من مصر

هذه قائمة بالاوراق المطلوبة لاستخراج فيزا شنغن من مصر
  1. حساب بنكي : ودا من احد الاسباب الي بتخلي ناس كتير تترفض من المهم ان الحساب يبقا عليه حركة سحب وايداع لمدة 6 شهور وخلي في حسابك علي الاقل 80 يورو علي كل يوم هتقضيه في دول الشنغن
  2. حجز طيرانوهنا الحجز مش بيكون مؤكد الحجز بيكون حجز مبدئي 
  3. حجز فندقوالافضل ان يكون من علي موقع booking  وانت بتحجز اتاكد ان الفيزا الي هتدفع بيها فيها فلوس تكفي الدفع علشان لو الفندق كنسل السفار لما تراجع الحجز ومتلاقيش حجز هترفض  طلب الفيزا وانت بتحجز احجز في كذا مكان لانك اكيد مش هتقضي الرحلة كلها في مكان واحد
  4. اثبات محل الاقامةودا هتحتاجه لو انت هتسافر ومش هتحجز في فندق وهتروح عند حد من صحابك او قرايبك هتحتاج بيان دعوة تقدمه للسفارة
  5. شهادة تحركات ودي هتطلعها من مجمع التحرير لو انت من مصر وهتحتاجها لو اول مره تطلع فيزا الشنغن
  6. صور شخصيةهتحتاج عدد 2 صورة شخصية  تكون جديدة لم يمر عليها 6 شهور وتكون مستوفية الشروط لان فيه صور كتير بيتم رفضها اهتم بموضوع الصورة جيدا ودا نموذج للصور المستوفيه للشروط اضغط هنا
  7. تامين صحيواد من الحجات المهمه جدا ان التامين يغطي رحلتك لو حصلك بعد الشر اي اصابات وانت في احد دول الشنغن هنا لازم يكون معاك تامين يغطي التكاليف وبقيمة 30 الف يورو  وممكن وانت بتعمل التامين تخليهم يكتبو ب 30 الف صوري يعني علشان السفارة تطمن مش هتدفع كتير علشان تعمل التامين الصحي هيكلفك تقريبا 200 جنية
  8. ورقة فيها خطتكيعني ناوي تعمل ايه في اول يوم لحد اخر يوم  ناوي تتنقل اذاي في الدولة حاسب كل حاجه وعارف انك رايح تعمل ايه وهتزور اماكن ايه ولا لا ودا بيحسس السفارة انك رايح سياحة وعارف كل حاجه هتعملها
  9. اتش ار ليترودا لو انت موظف هتحتاج ورقة من مكان العمل مختومة بانك موظف عندهم من سنة كذا وبمرتب كذا وانك  واخد اجازة وهتعود لعملك بعد الاجازة
  10.  تعبئة الاستمارةالبيانات الي هتكتبها في الاستمار تكون باللغة الانجليزية او لغة الدولة الي مسافر ليها لاكن سفارة ايطاليا بتشترط ان البيانات تكون بالايطالية الافضل تكتبها بلغة الدولة ممكن تستعين بمكتب ترجمة معتمد او بحد يعرف لغة الدولة الي رايح ليها ولو مش عارف حد  ممكن تكتب في اي جروب علي الفيسبوك زي جروبات السفر والسياحة وهتلاقي ناس كتير تساعدك ودا نموذج للاستمارة اضغط هنا
  11. جواز سفر ساريولازم هنا جواز السفر لايكون منتهي ويكون الجواز ساري بعد رجوعك الي الوطن لمدة 6 شهور ولو كنت لسه مش طلعت جواز سفر

سعر فيزا الشنغن للمصريين

تم تعديل سعر فيزا الشنغن للبالغين  من اول يناير 2020 ليكون 80 يورو بدل من 60 يورو 
  • رسوم فيزا الشنغن للبالغين 80 يورو
  • رسوم فيزا شنغن للطفل بين 6-12 عام 35 يورو 
البوصلة
كاتب المقال : البوصلة
نهتم ب السياحة والسفر الاماكن الترفيهية الفنادق المتاحف المطاعم المولات الحدائق الملاهي تاشيرات السفر العمل في الخارج الحياة البرية الحيوانات الاليفة المغامرة و الاستكشاف
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -